Тус аймгийн Алтай, Бугат сумын нутагт хууль бусаар ашигт малтмал олборлож буй иргэдийн үйл ажиллагааг таслан зогсоох, мөн Төгрөг сумын 1 дүгээр багийн иргэдийн нийтийн хурлын шийдвэрийн дагуу “Хүннү Говь-Алтай”ХХК-ний ашиглалтын тусгай зөвшөөрөлтэй талбайд үүсч буй маргаантай асуудлыг шийдвэрлэх зорилгоор аймгийн Засаг даргын 2017 оны 01 дүгээр сарын 23-ний өдрийн А/10 дугаар захирамжаар байгуулагдсан ажлын хэсэг 2017 оны 01 дүгээр сарын 23-наас 26- ны өдрийг хүртэл удримдамжинд заасны дагуу 4 хоног ажиллалаа.
Хяналт шалгалтын явцад Бугат сумын Хөвчийн нурууны Шивээт нэртэй чулуун дэвсгэртэй газарт хууль бусаар алт олборлохоор завдсан 4 машин, 20 иргэн, Мөн Алтай сумын Торготын нуруунд чулуун алт олборлохоор завдсан 5 машин, 30 иргэнийг хөөх арга хэмжээ авч, 1 молдокийг хурааж Алтай сумын байгаль орчны хяналтын улсын байцаагчид хүлээлгэн өгч, цаашид пост гарган хяналт тавин ажиллах үүрэг даалгаварыг сумдын удирдлагуудад өгч ажилласан
Мэдээ оруулсан : 2017-01-27 15:10:10