Тэмээний баяр-2015
НААДМЫН ЗОРИЛГО
Монголын үндэсний баялаг таван хошуу малын манлай эрдэнэ-тэмээн сүргийнхээ үүлдэр угсааг сайжруулах, тоо толгойг өсгөх, баруун бүсийн малчдын туршлагыг солилцуулах, тэдний хөдөлмөрийг үнэлэх, алдаршуулах, дотоод гадаадын зочид, жуулчдын сонирхлыг тэмээнд суурилсан аялал жуулчлалд татахад оршино.
НААДМЫН ТОВ
-
2015 оны 11 дүгээр сарын 27-ноос 29-ний өдрүүдэд Говь-Алтай аймгийн төв Алтай хотод зохион байгуулна.
-
Их наадамд оролцох аймаг, сумдын тэмээчдийн багийн бүртгэл 2015 оны 11 дүгээр сарын 26-ны өдрийн өглөө 09:00 цагт эхэлнэ.
-
Тэмээний гаралтай бүтээгдэхүүний үзэсгэлэн худалдаа 11 дүгээр сарын 28-ны өглөөний 09:00 цагаас 29-ний 14.00 цагийн хооронд зохион байгуулагдана.
-
Тэмээ, тэмээчин, говь нутгийн тухай уран бүтээлийн уралдаан 11 дүгээр сарын 28-ны 11.00 цагаас 29-ний 15.00 цагийн хооронд зохион байгуулагдана.
ЗОХИОН БАЙГУУЛАЛТ
-
Говь-Алтай аймгийн сум тус бүр нэг баг, бүсийн бусад аймгууд тус бүр нэгдсэн байдлаар нэг баг болж оролцоно.
-
Баг нь 5-15 гишүүнтэй, ахлагчтай байна.
-
Багийн ахлагчаар тухайн сумын Засаг дарга, Орлогч дарга, тэмээ ихтэй багийн Засаг дарга болон Мал эмнэлэг үржлийн тасгийн эрхлэгч нарын аль нэг нь ажиллана.
-
Баг нь тэмээний баярын 12 төрөлд нэгдсэн зохион байгуулалтаар оролцоно.
-
Баг нь тэмээний баярын нээлтэнд зориулсан “Тэмээн парад”-д өөрийн багийн өвөрмөц байдал, тэмээчдийн алдар гавъяа, тэмээний сүр жавхланг илтгэсэн жагсаалаар оролцоно.
-
Тэмээний баярын төрлүүдэд багийн бус байдлаар хувь тэмээчид, оролцож болно. Наадмын үеэр "Тэмээчин" сэдэвт шилдэг фото зураг шалгаруулах уралдаан, тэмээ булгиулах тэмцээнүүд тусгай хөтөлбөрөөр зохион байгуулагдана
Мэдээ оруулсан : 2015-10-28 10:47:55