Усны нөөцийг зүй зохистой ашиглах, хамгаалах, усны хомосдол, бохирдол, хөнөөлөөс сэргийлэх, ус ашиглалт түүний хуваарилалтыг зохицуулах арга хэмжээг төлөвлөх зорилгоор 2013 онд “Усны тухай хууль”-ийн 7 дугаар зүйлийн 7.3 дахь заалтын дагуу орон нутгийн төсвийн хөрөнгөөр гадаргын усны нэгдсэн тооллогыг аймгийн хэмжээнд зохион байгууллаа. Тооллогын дүнгээр худаг-1359, гол горхи-332, нуур тойром -107, рашаан-2, усан сан хөв-38, услалтын систем -12, булаг-1063, УЦС-2, Баянбүрд-29, үерийн хамгаалалтын далан-2, цэвэрлэх байгууламж-1 тоологдсон байна.
2011 онд явуулсан тооллогын дүнгээс үзэхэд тооллогонд хамрагдсан 334 голын 20 нь, 107 нуурын 9 нь, 1057 булаг шандны 57 нь ширгэсэн мэдээтэй байсан бол 1 жилийн зайтай хийгдсан дээрхи хоёр оны үзүүлэлтийг харьцуулан үзвээс хэдийгээр тооллогонд хамрагдсан объектийн тоо 2011 оныхоос 2012 оны хувьд өссөн боловч 2012 оны тооллогын дүнгээр 10 гол, 6 нуур, 87 булаг шанд ширгэсэн байна. 2011 оны тооллогын дүнтэй харицуулан үзвэл 10 гол, 3 нуур сэргэж, 30 булаг шанд нэмж ширгэсэн байна.